Асобнікі “Мальдзіса”
Дорым другое жыццё каштоўным артэфактам беларускай культурнай спадчыны і робім іх дасяжнымі для ўсіх.
Разам са студыяй старадаўніх картаў і гравюраў Imago.by і выдавецтвам Gutenberg Publisher мы выпусцілі асобнікі “Мальдзіса” – лімітаваныя падарункавыя асобнікі гістарычных мапаў, што з’яўляюцца сімваламі сваёй эпохі.
Карта Аркадзя Смоліча 1919-га года стала першай беларускамоўнай картай і сведчаннем нараджэння нацыянальнай геаграфічнай думкі.
Радзівілаўская карта ВКЛ 1613-га года, створаная ў пачатку XVII стагоддзя. Гэта карта адлюстравала залаты век беларуска-літоўскай дзяржаўнасці і з’яўляецца адным з шэдэўраў еўрапейскай картаграфіі беларускага паходжання.