Пра нас
MALDZIS бачыць сваю місію ў аб’яднанні беларусаў вакол культурнай спадчыны і ўмацаванні вобраза Беларусі як еўрапейскай краіны. Мы лічым, што гэта найлепшы падмурак для пабудовы кансалідаванага грамадства з моцнай ідэнтычнасцю.
Ініцыятыва атрымала назву ў гонар дзеяча культуры і навукоўца Адама Мальдзіса, які шукаў і вяртаў з забыцця страчаныя каштоўнасці і імёны Беларусі. MALDZIS працягвае гэтую справу.
Пішыце нам на maldzis.world@gmail.com.
Што мы робім
● Папулярызацыя спадчыны
Ствараем карту і гайды з інфармацыяй пра беларускія імёны і славутнасці ў замежных краінах, а таксама са звесткамі аб заслужаных іншаземцах у Беларусі. Робім медыйныя прадукты пра выбітныя беларускія постаці і старадаўнія скарбы. Выступаем з прэзентацыямі і лекцыямі.
● Ушанаванне герояў і падзей
Усталёўваем помнікі і шыльды ў гонар выбітных беларусаў і беларусак за мяжой, робім тэматычныя выставы і мерапрыемствы. Называем беларускім усё, што мае беларускія карані. Шукаем і набываем нацыянальныя культурна-гістарычныя каштоўнасці за мяжой для перадачы ў музеі Беларусі.
● Прасоўванне культурнай дыпламатыі
Падтрымліваем ідэі і праекты ў галіне культурнай дыпламатыі з фокусам на культурнай спадчыне. Прасоўваем яе як сродак міжнароднага паразумення і паглыблення адносін.
Каманда
Павел Мацукевіч
кіраўнік
Рыгор Астапеня
апякун
Лілія Гайдаржы
менеджарка па камунікацыі