Тады табе ў Летнюю школу MALDZIS, якая пройдзе з 21 ліпеня да 7 верасня 2025 года. Гэта прастора для тых, хто хоча шукаць новыя сэнсы, выходзіць за межы нацыянальнай настальгіі і наноў уяўляць, якім можа быць беларускі свет.

Навошта MALDZIS арганізуе Летнюю школу?

Кажа Павел Мацукевіч, кіраўнік ініцыятывы MALDZIS:

Менш чым за год ад нашага запуску мы пабудавалі ініцыятыву з грамадскім уплывам — і хацелі б дапамагчы новым праектам стаць лепшымі за нас.

Што вас чакае?

▪️ 16 лекцый і практыкумаў: ад культурнай дыпламатыі да сторытэлінга і праектнага менеджменту.

▪️ Экспертныя сесіі з Рыгорам Астапенем, Максімам Жбанковым, Воляй Чайкоўскай, Настай Роўдай, Мікітам Монічам ды іншымі.

▪️ Праектная праца — ты ці ваша каманда распрацуеце ўласную актыўнасць, якая будзе рэалізавана ў межах фестывалю MALDZIS.

Падчас праграмы ты:

▪️ навучышся свабодна і крытычна думаць пра беларускую ідэнтычнасць;
▪️ атрымаеш навыкі для таго, каб самой ці самому будаваць сваю беларускасць;
▪️ і зможаш прыцягнуць людзей у яе.

Хто можа ўдзельнічаць?

Маладыя людзі да 30 гадоў, якія…

▪️ маюць праекты ў сферах палітыкі ідэнтычнасці і медыя, культуры і мастацтва;
▪️ навучаюцца на адпаведных напрамках;
▪️ проста цікавяцца беларускай ідэнтычнасцю і хочуць знайсці сваё месца ў ёй.

Удзел магчымы індывідуальна або камандай да 3 чалавек.

Візавая падтрымка не аказваецца.

Праграма навучання

Час заняткаў указваецца па Мінску

АНЛАЙН (21 ліпеня – 1 верасня)

• Беларускі свет у новым свеце: выклікі і магчымасці
  21 ліпеня, 17:30 – 19:00
  • Рыгор Астапеня, заснавальнік Цэнтра новых ідэй, дырэктар “Беларускай ініцыятывы” у Chatham House, апякун ініцыятывы MALDZIS
  • Павел Мацукевіч, былы дыпламат, старшы даследчык Цэнтра новых ідэй, кіраўнік ініцыятывы MALDZIS
• З чаго пачынаецца беларушчына
  23 ліпеня, 17:30 – 19:00
  Максім Жбанкоў, культурны аналітык, медыя-актывіст
• Свет Мальдзіса: вопыт, мэты, дасягненні
  28 ліпеня, 17:30 – 19:00
  Павел Мацукевіч, Рыгор Астапеня
• Як працуе культурная дыпламатыя
  30 ліпеня, 17:30 – 19:00
  Павел Мацукевіч
• Дыскусія “Як будаваць ідэнтычнасць“
  4 жніўня, 17:30 – 19:00
  Імёны спікераў і спікерак раскажам пазней
• Вяртанне культурнай спадчыны: выклікі, магчымасці, вынікі і сэнсы
  6 жніўня, 17:30 – 19:00
  Павел Мацукевіч
• Што такое (культурнае) лідарства. Мапа неабходных навыкаў і кампетэнцый
  11 жніўня, 17:30 – 19:00
  Дар’я Рублеўская, каардынатарка адукацыйных праграм, Head of Competence School
• Арганізацыя і прасоўванне беларускага свету за мяжой
  13 жніўня, 17:30 – 19:00
  Спікер(ка) стане вядомы пазней
• Дыскусія “Праектны (культурны) менеджмент“
  18 жніўня, 17:30 – 19:00
  • Воля Чайкоўская, заснавальніца кінафестывалю “Паўночнае ззянне” і анлайн-кінатэатра беларускага кіно VODBLISK, прадзюсарка, рэжысёрка
  • Вольга Мжэльская, культурная менеджарка, куратарка
  • Вольга Кавальская, беларуская актывістка, культурная менеджарка і арт-куратарка. Заснавальніца public-art ініцыятывы Art Yard Community, сузаснавальніца і частка куратарскага калектыва “Куратарская група 4”, менеджарка адукацыйнага кірунку праграмы ArtPower Belarus
  • Мадэрацыя: Антон Раднянкоў, старшыня Рады Цэнтра новых ідэй
• Сторытэлінг у дзеянні
  20 жніўня, 17:30 – 19:00
  Аляксандр Івулін, журналіст, вядучы ютуб-канала “ЧестнОК-LIVE”, сувядучы праекта “Нешта будзе”
• Як медыяменеджары глядзяць на культуру
  25 жніўня, 17:30 – 19:00
  Наста Роўда, дырэктарка “Нашай Нівы”, вядоўца ютуб-канала “Ток”
• Гавары як Моніч. Майстар-клас па публічнай камунікацыі пра культуру
  27 жніўня, 17:30 – 19:00
  Мікіта Моніч, мастацтвазнаўца, экскурсавод
• Тэму абвесцім пазней, прышпіліцеся
  1 верасня, 17:30 – 19:30
  Дар’я Рублеўская, Павел Мацукевіч, Рыгор Астапеня

Напрыканцы анлайн-сесіі ўдзельніцы і ўдзельнікі мусяць прапанаваць асобную актыўнасць у межах двудзённага фестывалю MALDZIS. 20 аўтараў/к лепшых прапановаў будуць запрошаны да ўдзелу ў афлайн частцы.

ТРОХДЗЁННАЯ АФЛАЙН-СЕСІЯ (5-7 верасня)
Адукацыйныя блокі і ўдзел у фестывалі MALDZIS з уласнымі актыўнасцямі.

Дэдлайн: 23:59 (CET) 16 ліпеня 2025

Калі засталіся пытанні — пішыце на hello@maldzis.world.

Рэгіструйцеся!