⏰ Дата: 13.12 (субота), 14:00 – 15:30
📍 Месца: Muzeum Podgórza (ul. Powstańców Wielkopolskich 1), Кракаў

Вас чакае:

Знаёмства з гістарычнымі артэфактамі

Упершыню будзе прэзентаваная карта Аркадзя Смоліча — першая беларускамоўная карта Беларусі.

Таксама можна будзе ўбачыць Трэці Статут Вялікага Княства Літоўскага, Радзівілаўскую карту ВКЛ і карту ВКЛ Яна Няпрэцкага, старадрукі «Жазло кіравання» Сімяона Полацкага і «Вялікае майстэрства артылерыі» Казіміра Семяновіча.

Серыя выступаў

Заснавальнікі Maldzis Рыгор Астапеня і Павел Мацукевіч раскажуць пра мэты працы ініцыятывы, гісторыі здабытых артэфактаў і пра тое, навошта займацца вяртаннем спадчыны цяпер.

Кіраўнік ініцыятывы imago.by Ілья Андрэеў і дырэктарка выдавецтва Gutenberg Валянціна Андрэева падзеляцца тым, чаму картаграфія становіцца адным з самых эфектыўных інструментаў для вывучэння і асэнсавання гісторыі Беларусі.

Прыходзьце пазнаёміцца бліжэй з беларускай спадчынай і супольнасцю, што яе вяртае.

Уваход вольны, але патрэбна папярэдняя рэгістрацыя па спасылцы — https://forms.gle/tkC9Kaa4y5oMPnbM9